DADEK! KUMBE KLOP NI KILAZA TU.

BASEL, Uswisi

PAMOJA na heshima kubwa kwa kuwa kocha bora barani Ulaya, Jurgen Klopp, hajafurahia mafanikio yake kwenye fainali kadhaa za  michuano mbalimbali katika miaka ya hivi karibuni.

Kocha huyo wa Liverpool alishuhudia kikosi chake kikiongoza kwenye fainali ya Ligi ya Europa, lakini walipoteza kwa kuchapwa mabao 3-1 dhidi ya Sevilla mjini Basel. Hii ni fainali yao ya pili baada ya kutolewa kwa matuta na Manchester City kwenye fainali ya Capital One Cup.

Wakati akifanya kazi Ujerumani kwenye kikosi cha Borussia Dortmund, Klopp alifungwa kwenye fainali mbili za Kombe la Ujerumani akichapwa mabao 3-1 dhidi ya Wolfsburg mwaka jana na 2-0 dhidi ya kikosi cha Pep Guardiola, Bayern Munich mwaka 2014.

Moja kati ya mechi ya kukumbukwa ambayo kocha huyo wa Liverpool alipoteza ni ile ya Bayern ilikichapa kikosi chake cha Borussia Dortmund katika fainali ya Ligi ya Mabingwa Ulaya iliyowakutanisha miamba miwili ya Ujerumani mwaka 2013 kwenye Uwanja wa Wembley mjini London, England.

Lakini miaka ya nyuma kama Mei 2012, Klopp alifanikiwa kushinda fainali moja ambayo ndiyo ilikuwa ya mwisho kwake, kikosi hicho Dortmund kilichokuwa kinanolewa na Klopp kilifanikiwa kuichapa Bayern Munich kwenye Kombe la Ujerumani kwa mabao ya mshambuliaji Robert Lewandowski, ambaye alipiga ‘hat-trick’. Lakini kwa upande wa ligi ameweza kunyakua mataji mawili ya Bundesliga mara mbili mfululizo.